علقت رباب صلاح شقيقة النجم الدولي المصري محمد صلاح لاعب ليفربول الإنجليزي، على تتويج شقيقها بجائزة الأفضل المقدمة من رابطة اللاعبين المحترفين.
وحصد محمد صلاح الجائزة أفضل لاعب في الدوري الإنجليزي موسم 2024-2025 للمرة الثالثة في تاريخه ليصبح أول لاعب في التاريخ يُتوج بالجائزة 3 مرات.
ونشرت رباب صلاح عبر حسابها على موقع التواصل الاجتماعي “إنستجرام”: “بين الصورة دي ودي سنين مرت كالريح، ولكن حصل فيها حاجات كتير ومجهود كبير وتضحيات كتير كتير شوفت فيها أخويا بيتغرب وبيتعب ويسافر وطفولته كلها كانت على الطريق، بيجري ورا حلم كبير لطفل صغير”.
وأضافت: “المستقبل مبهم قدامه كنا أطفال وبقلب الأخت الكبيرة استنى أخويا يرجع مقدرش أنام قبل ما يرجع ومجرد ما يرجع قلبي يطمئن وبعدين التضحيات زادت وبقا ينام برا البيت في النادي وشوية وسافر وقلبي يتخلع معاه علشان أخويا بيبعد ويسافر ومش بشوفه كل يوم ويبعد ويضحي وإحنا معاه نضحي ومش بنشوفه غير مرة أو اتنين في السنة ويبقى يومين وخلاص والتضحيات تزيد والضغوطات تزيد ومازلت أبحث عن أخويا الطفل الصغير اللي قضيت معاه طفولتي وقلبي يتخلع عليه كل ما يبعد بس يكفيني فخرًا المستوى اللي وصلتله وحلمك اللي حققته يا حبيبي ربنا يحفظك ويحميك وتحقق أكثر وأكثر”.
