احتفلت الإعلامية مفيدة شيحة بعيد ميلادها الـ 54، موجهة رسالة مؤثرة لنفسها، معربة عن فخرها بنفسها وبما حققته خلال السنوات الماضية.
ونشرت مفيدة شيحة مقطع فيديو لها، عبر حسابها بـ فيس بوك، وقالت به: النهاردة بحتفل بعيد ميلادي الـ 54، عايزة أقول لي برافو، أنا فخورة بيكي يا مفيدة، ده مش تمثيل ولا غرور، أنا فاكرة لما كنت 25 سنة وكنت لسة والدة منة وكان عندي أمنيات كتير والحياة تاخدني وتوديني، عمري ما توقعت إن لما أكمل الـ 54 أكون حققت كل اللي حلمت بيه.
وتابعت مفيدة شيحة: حققت كارير وكنت فيه ناجحة جدا، حققت بيت وأمّنته ورعيت أمي لغاية ما اتوفت، علّمت بنتي وجوزتها، مترجتش حد ومتنازلتش لحد، كل اللي وصلتله كان بـ عرق جبيني، أنا ست بـ 100 راجل وعملت كل الأدوار ونجحت فيها، وحجّيت، وأمنيتي إن إن شاء الله أكمل عمري بـ صحة.
