خطف الفنان خالد الصاوي الأنظار خلال وجوده في فعاليات معرض القاهرة الدولي للكتاب، إذ ظهر بلياقة بدنية عالية وفقدان ملحوظ في الوزن، مما جعله حديث مستخدمي منصات التواصل الاجتماعي، وذلك بعد رحلة علاج تقترب من 8 سنوات.
وقال خالد الصاوي في تصريحات صحفية: متشكر جدًا لـ كل الناس اللي فرحتلي، الحمد الله فقدان وزني ده كرم كبير من ربنا.
وفي وقت سابق، أعرب خالد الصاوي عن حزنه بسبب اتباعه نظامًا أثر بالسلب على صحته، وذلك خلال لقائه مع الإعلامي أحمد سالم ببرنامج كلمة أخيرة، قائلًا: سنة 2025 فارقة في حياتي، نصها الأول كنت زعلان من نفسي ونصها التاني الحمد لله راضي عن نفسي، النص اللي زعلان فيه من نفسي لأني كنت ماشي على سيستم مش كويس خسرني كتير شكلًا وصحة وعلاقات، على الرغم من إني حاليًا الحمد لله ماشي على نظام علشان أخس وبتمرن وبنام بدري.
