تحدث محمد صلاح نجم منتخب مصر على وداعه لفريق ليفربول الإنجليزي، بعد انتهاء مشواره معه بشكل رسمي ورحيله عن صفوفه استعدادًا لخوض تجربة جديدة من ناد آخر.
وفي تصريحات عبر شاشة قناة bein sports قال محمد صلاح: الحمد لله أنهيت مشواري مع ليفربول بشكل جيد.. حققت كل حاجة وطالع والناس فخورة باللي أنا عملته.
وأضاف صلاح: وضعت ليفرول تاني في المكانة اللي يستحقها بين الكبار.. واليوم الأخير لي مع ليفربول كان صعب علي نفسيا.
وأردف: عشت مع ليفربول 9 سنين كانوا أحسن أيام شبابي.. حققت كل حاجة مع ليفربول مفيش حاجة أحلم بيها أكتر من كده.
وتطرق صلاح للحديث عن مستقبله قائلا: لسه هشوف معايا وقت دلوقتي.. لو فيه حاجة كويسة قبل كأس العالم هقرر.. لو مفيش هاخد قراري بعد المونديال.
واختتم صلاح تصريحاته مؤكدًا أنه يتمنى أن يكرر لاعبين مصريين آخرين ما حققه في ملاعب أوروبا، وفي هذا الصدد قال: عندنا مواهب كتير محتاجين فرصة واجتهاد واستعداد للتضحية بشبابهم علشان يوصلوا لحاجة كويسة.
ومن المقرر أن ينضم محمد صلاح مساء اليوم لمعسكر منتخب مصر المقام في القاهرة، وذلك استعدادًا لخوض مباراة روسيا الودية والمقرر إقامتها الخميس المقبل، وذلك في إطار تحضيرات الفراعنة للمشاركة في بطولة كأس العالم 2026.
