كشف إمام عاشور، نجم النادي الأهلي ومنتخب مصر، كواليس بدايته في عالم كرة القدم، مؤكدًا أن انضمامه إلى نادي غزل المحلة جاء بالصدفة، بعدما شارك في تقسيمة أثناء مرافقته لشقيقه خلال أحد التدريبات.
وقال إمام عاشور خلال تصريحات تليفزيونية: “قبل ما أروح غزل المحلة كنت بلعب في أكاديمية، وأخويا كان عنده تمرين في الغزل وروحت معاه، كانوا ناقصين ونزلت معاهم تقسيمة، وبعدها قالوا لمحمد أخويا لازم يمضي معانا، وتاني يوم بعتولي حد البيت عشان أمضي”.
وأضاف لاعب الأهلي: “قبلها كنت روحت الإسماعيلي لكن محصلش نصيب، والمدرب وقتها قالي ملكش مكان في النادي”.
وتحدث إمام عاشور عن دور أسرته في مسيرته الكروية، قائلًا: “كنت في أتوبيس بيولع، أمي كسرت الإزاز وطلعتني، وقلتلها هيجي يوم وأعوضك عن كل حاجة، وجمعت تمن سلسلة وروحت جبتها لها”.
وتابع: “في أوقات كتير مكنش بيبقى معايا فلوس عشان أسافر، ووالدي ووالدتي كانوا بيستلفوا عشاني، ومهما عملت مش هقدر أوفيهم حقهم”.
وكشف نجم الأهلي عن أول راتب حصل عليه، قائلًا: “أول هدية جبتها لماما كانت من أول قبض ليا في المحلة وكان 250 جنيه، روحت إديتها 100 ووالدي 100 وليا 50، وفضلت أعمل كده كل شهر لحد ما جمعت تمن السلسلة”.
وعن مستقبله مع النادي الأهلي، أكد إمام عاشور التزامه الكامل بقميص الفريق، قائلًا: “لو فيه أي عروض مش هقدر أتكلم في أي حاجة غير من خلال النادي الأهلي، وإمام عاشور تحت أمر الأهلي في أي وقت”.
كما تحدث عن الإشادات التي تلقاها خلال مشاركته مع منتخب مصر في كأس العالم، موضحًا أنها منحته دافعًا كبيرًا لتقديم الأفضل خلال المباريات.
وفي فقرة طريفة، اختار إمام عاشور زملاءه في المنتخب لبعض المواقف، حيث رشح ياسر إبراهيم للمشاجرات، ومحمد صلاح للمواقف الدبلوماسية والتوسط، وعمر مرموش للتصوير والتسوق، ومحمد عبد المنعم للاحتراف خارج مصر، بينما اختار كهربا ومحمد هاني لخوض تجربة التمثيل.
