أعربت الفنانة تارا عماد عن سعادتهاا لبالغة بنجاح حكاية “انت وحدك” من حكايات مسلسل “ما تراه ليس كما يبدو” والتي انتهت امس، وحققت نجاح جماهيري كبير.
وشاركت تارا عماد جمهورها مقطع مجمع من حكاية “انت وحدك”، عبر “إنستجرام”، وعلقت: “قلبي مش سايعني من فرحتي بردود افعالكم على قصة أنت وحدك Just You، من مسلسل ما تراه ليس كما يبدو، شكرًا لكل حد اتفرج وحلل وحاول يعرف اللغز ويفهم ايه الي بيحصل وايه الي بيدور. وشكرًا على كمية الحب والرسائل الي جاتلي بتباركلي انا والكرو وكلها حب”.
وأضافت: “أحب برضو اشكر كل حد قائم على العمل دة. انا اتبسطت اوي اوي وعيطت اوي اوي،
من قلبي استمتعت واحنا بنصور كل مشهد.. شكرًا لكل الكرو قدام الكاميرا وطبعًا لكل الكرو الجامد اوي اوي ورا الكاميرا، دي كانت رحلة سارة من أول لحظة لآخر مشهد.. ذكريات ما تتنسيش”.
واختتمت: “من أول لحظة ظهرت فيها سارة لحد آخر مشهد.. رحلة كلها وجع، خوف، حب، ودموع. “Just You” وصلت للنهاية، بس سارة هتفضل عايشة في قلبي ومعاكم”.
