علق الإعلامي عمرو أديب على أزمة أرض أكتوبر قائلا: “دي أمل نادي الزمالك، دي ناس بتحاول تقف على رجليها، وعلى فكرة أنا مش عضو في النادي، ودول مش واخدين الأرض يعملوها “كمبوند”.
وقال عمرو أديب عبر برنامجه “الحكاية” على إم بي سي مصر “نادي الزمالك نادي دولة، ونادي كبير وله جماهير عريضة، اقفوا جنب مجلس إدارة النادي الحالي، دي ناس عايزة تقف على رجليها وجايين بعد مجلس دمار وخراب.. جايين بعد مجلس مرتضى منصور”.
وأكمل أديب “بناشد رئيس الحكومة والرئيس السيسي يتدخلوا ويحلوا أزمة أرض أكتوبر بما هو في مصلحة الزمالك، ده نادي تاريخي، من 1911، ليه هنوقف الدنيا عشان خاطر واحد زي مرتضى منصور.. مين سانده؟!.. وبعدين من امتى بتدخل الحمام وتمسحها بالورق؟.. ده أسلوب تخاطب بيه الناس؟”.
واختتم أديب “أرض أكتوبر دي هي روح الزمالك ما تسيبوها للزمالك يبتدي بيها.. حد يقولي غلطوا هقولك ماشي بس اصبروا على الناس شوية، وأنت هتتسجن تاني يا مرتضى منصور، والزمالك هيعيش”.
