أعلنت الإعلامية سالي عبد السلام حملها مرة أخرى مطالبة جمهورها بالدعاء لها بعد مرورها بتجربة فقدان توأمها الأول في وقت سابق.
وكتبت سالي عبد السلام في منشور عبر حسابها الرسمي بموقع فيس بوك، معلقة: استنيت دوري سنين عشان ربنا يرزقني الرزق والبهجة دي.. الحمد لله خسرت توأم بس ليا بنتين في الجنة، وبدعواتكم ربنا هيكملها على خير، وهيبقى معايا زينة الحياة الدنيا.
وتابعت: أنا من امبارح عايزة أعيط من جمالكم بجد! انا شفت دعوات عمرى ما شفتها فى حياتى.. شكرًا من قلبي، كل اللى حواليا قالولى متقوليش، اسكتى.. قولى لما تولدى.. بس حقكم تعرفوا، وحقكم أنكوا تعرفوا دعواتكم اللى شوفتها وسمعتها أو اتقالتلى فى وشى ان ربنا كرمنى بيها، وده سر قوتى.
كما أضافت: لما الناس بتقولى اشمعنى إنتي بيدعولك أو بيحبوكى بخاف اتحسد عليكوا، اه دعوات الناس تغير الأقدار ومستجابة أكتر من دعواتي لنفسي.
سالي عبد السلام
في سياق آخر، سالي عبد السلام من أبرز المذيعات في مصر والعالم العربي، حيث استطاعت بفضل شخصيتها المرحة والعفوية أن تحجز لنفسها مكانة مميزة في قلوب الجمهور، وُلدت سالي عبد السلام في القاهرة، ودرست في كلية الإعلام قسم الإذاعة والتليفزيون، وهو ما أهلها لاحتراف العمل الإعلامي مبكرًا.
وبدأت سالي عبد السلام مسيرتها من قناة النيل للمنوعات، قبل أن تنتقل لتقديم برامج على عدد من القنوات الكبرى، لتصبح واحدة من أبرز الوجوه التليفزيونية في مصر.
