هاجم عمار ياسر، لاعب فريق الزمالك مواليد 2005، مجلس إدارة النادي بسبب عدم حصوله على مستحقاته المالية المتأخرة ورفض كل العروض التي تلقاها الفترة الماضية.
ونشر عمار عبر حسابه على إنستجرام “أنا كنت ساكت ومش حابب أتكلم في حاجة زي دي، لكن كل يوم الموضوع بيزيد عن حده. أنا من ساعة ما رجعت للناشئين من سنة وأكثر وأنا بتعامل بأسوأ معاملة عكس باقي زمايلي، وللأسف ولا كأني كنت طالع غصب عن حد، أو واخد مكان حد”.
وأضاف: “من السنة اللي فاتت لحد دلوقتي بيجيلي عروض إعارة وبيع، وكلها كانت بتترفض من غير ما أعرف مين السبب. من شهر 8 اللي فات وأنا محدش مِديني فلوس من النادي، يعني بقالي سنة كاملة مش باخد فلوس ولم أعترض”.
وأتم حديثه: “ولما أتكلم حد، بيقولوا مفيش فلوس وأن النادي يمر بأزمة، طب أنا أعيش إزاي وأصرف منين؟ بعد كل ده، مطلوب منك تيجي التمرين وتلعب ومتتكلمش، أنا مش بيشتكي، أنا بس حبيت أعرف الناس أنا في إيه، وبمر بإيه”.
