كشفت الفنانة مايان السيد، عن تعرضها للتنمر خلال فترة طفولتها، بسبب وزنها الزائد، قائلة: “عمري ما هنسى إن واحدة صديقة عيلتي قالتلي إنتي عندك كرش ومن بعدها وأنا كرهت جسمي وقعدت لمدة شهر مش باكل كويس وعملت رياضة قوية لحد ما خسيت بس من بعد اللحظة دي حياتي اتغيرت”.
وتابعت “مايان”، في تصريحات تليفزيونية: “بعد اللحظة دي أصيب بأنيميا حادة وإغماء مستمر، وصحتى تدهورت وفضلت عندى هاجس السمنة حياتي كلها، ولجأت لدواء تخسيس بدون استشارة طبيب عشان يقلل شهيتي وبرغم أنه كان مضر وكان يعتبر إدمان، فضلت مكملة عليه لحد من سنة تصالحت مع جسمى وشكلى ووقفت الدواء وبقيت راضية عن نفسي”.
وأشارت: “قررت أشتغل على نفسي وأصالح نفسي وكل اللى ضايقني، بس التنمر تصرف صعب وكلنا مرينا بيه واحنا صغيرين”.
كما كشفت، عن أسرار طفولتها، وكيف تم تشخصيها مؤخرا باضطراب نقص الانتباه مع فرط النشاط ADHD، قائلة: من شهر بس عرفت أني متشخصة بالاضطراب دا، وعرفت ليه كنت بكره المذاكرة زمان بسبب أعراض الاضطراب اللي كانت بتخلى تحصيلى الدراسي صعب.
