تصدرت صغيرة كيس الشيبسي مواقع التواصل الاجتماعي، بعدما انتشر لها فيديو مع أحد المحتاجين في الشارع تنازلت عن شراء كيس شيبسي لمساعدته.
وقالت والدة هايدي صغيرة كيس الشيبسي بعد تصدرها التريند في تصريحات صحفية: “بنتي طيبة جدًا وبخاف عليها من الناس والدنيا عشان على نيتها، ونفسي أشوفها أحسن واحدة في الدنيا وبدعيلها كل يوم”.
وتابعت: “مرضيتش تاخد من صاحب سوبر ماركت الشيبسي عشان تاخد الثواب والأجر قالتلي يا ماما لو كنت خدت الشيبسي من عمو صاحب السوبر ماركت مش هاخد الثواب، وأنا فرحانه بيها والحمد لله إني عرفت أربيها كويس ودعوات الناس أهم حاجة ليها، في ملايين دعولها وقالوا كلام في حقها حلو، وأنا فخورة بيها جدًا ونفسي أشوفها دكتورة زي ما بتتمنى يارب يحققلي حلمي ويحصل لما تكبر”.
وأضافت: “إحنا مش محتاجين حاجة وكفاية دعوات الناس ليها ولأهلها بعد ما شافوا الفيديو وأنا مكنتش مصدقة الناس قالولي دي بنتك طلعت على فيسبوك والفيديو بقى تريند، وبتساعدني في شغل البيت وبتخاف عليا وبتقولي دايما نفسي أفرحك يا ماما”.
