وجّه محمد صلاح، قائد منتخب مصر ونجم نادي ليفربول الإنجليزي، مجموعة من الرسائل التحفيزية للأجيال الجديدة، مؤكدًا أن الإيمان بالنفس والثقة في الحلم هما الأساس في أي نجاح. جاء ذلك خلال ظهوره على قناة “أون سبورت” في حلقة جمعته بالسير مجدي يعقوب.
وقال صلاح في تصريحاته: “النصيحة إنك تكون مؤمن بالحاجة اللي بتعملها، حتى لو كنت صغير ومش شايف الصورة كاملة. لو مكنش عندك الرؤية والثقة، مش هتوصل للحاجة اللي بتحلم بيها. الثقة والإيمان أهم حاجتين لو عايز تحقق حاجة”.
وأضاف: “كنت عارف إني هنجح، إزاي؟ معرفش. لكن كنت مؤمن إن النهاية هتوصلني للمكان اللي عايزه. قبل أي مباراة أو هدف كنت بتخيل النجاح وبأكون واثق إني هكسب، ودي نقطة مهمة جدًا للناس”.
وأشار صلاح إلى أهمية ترك مساحة للأطفال لاختيار حلمهم بأنفسهم، قائلاً: “الأب والأم ساعات بيتمنوا يشوفوا ابنهم لاعب كرة. حاولت مع بنتي تلعب تنس، لكن هي مكنتش حابة كده، وحياتها هي اللي تقررها. دوري بس إني أفتح لها الباب وهي تختار. لو الابن عمل حاجة عشان الأب عايز كده، مش هيحبها”.
وفي ختام الحلقة، أعرب محمد صلاح عن سعادته الكبيرة بالظهور مع السير مجدي يعقوب، قائلاً: “سعيد بتواجدي مع الدكتور مجدي يعقوب، وأتمنى أشوفك مرات تانية. وجودي معاك في حلقة واحدة شرف كبير”.
