حل الفنان محمد صبحي ضيفًا على الإعلامية لميس الحديدي، في برنامجها الصورة، المذاع عبر شاشة قناة النهار، وذلك في أول ظهور تليفزيوني له بعد وعكته الصحية الأخيرة.
محمد صبحي: الموت ده نعمة كبيرة
وتحدث محمد صبحي قائلا: فيه ناس عايزة تركب التريند علشان كده طلعت شائعات وفاتي، ولكن أنا بقول إن الموت ده نعمة، وبستغرب لما بلاقي أخبار وفاة ممثل شهير واسمه في أول تعليق، وحفيدتي كانت بتعيط لما بتشوف الأخبار دي.
وتابع محمد صبحي: كان عندي فيروس بيعيش في المخ 14 يوم والموضوع بينتهي، ولكن العلاج بالنسبة لي كان قاسي جدا، فضلا على أن الموضوع اتكرر مرتين وكنت عايز أموت علشان أجرب الحياة الأخرى، وبعتقد إن حياتي بروفه.
وسبق وعلق الفنان محمد صبحي، على شائعات وفاته التي تداولت مؤخرا في أثناء تواجده داخل أحد المستشفيات وقت تعرضه لوعكة صحية، معربا عن حزنه لفقد البعض إنسانيتهم، حيث قال محمد صبحي في لايف عبر فيسبوك: الناس اللي بتطلع شائعات وفاتي فقدوا إنسانيتهم وعايزين يركبوا التريند، بيكتبوا إنا لله وإنا إليه راجعون، ولما بدخل أشوف بلاقي إعلان صابون، لو فنان توفاه الله، أول من يعلن هي نقابة المهن، فـ نصبر شوية لحد ما تعلن.
