ظهرت الفنانة لقاء سويدان، وملامح الحزن تبدو عليها بعد إصابتها بالعصب السابع، إثر تعرضها لأزمة نفسية مرت بها خلال الفترة الماضية.
وظهرت في أحد البرامج التليفزيونية وهي تقول: حبيت أظهر الجانب التاني بدون خجل، إحنا في الأول والأخر الفنانين بني آدمين بيفرحوا ويزعلوا ويفشلوا ساعات، بيقعوا ويقاوموا، مبنقدرش نبين تعبنا ده للناس، المفروض الجمهور يشوفنا واحنا فرحانين، محدش بيقدر يبين لحظات انكساره وانهزامه للناس، احنا بني آدمين، عندنا مشاكل محدش يتخيلها، الصورة اللي واخدها الناس عن الفنانين صورة لامعة.
وتابعت: الدكتور قالي سبب أزمتك النفسية، بناء على حالة نفسية سيئة وضغط نفسي لأني كنت بكتم وبظهر قوتي اتخذلت من ناس كتير.
وفي سياق آخر، تصدر اسم الفنانة لقاء سويدان مواقع التواصل الاجتماعي، خلال الفترة الماضية بعدما كشفت تعرضها لموقف صادم مع أحد المطاعم الشهيرة، ما دفعها لتحرير محضر رسمي ضد القائمين عليه وقالت سويدان، في تصريحات خاصة، حينها إنها توجهت لشراء ساندوتش شاورما فراخ، ولاحظت منذ أول قضمة أن طعمه غريب وغير مألوف، لتكتشف أن رائحة الدجاج كريهة وغير قابلة للتحمل.
كما أوضحت سويدان أنها عادت على الفور إلى المطعم لمواجهة العاملين بما حدث، وأضافت: قولتله الفراخ دي بايظة، قالي لأ الساندوتش تمام، قولتله هعمل محضر، أو اللي يرضيني إن محدش ياكل من السيخ ده تاني عشان ميجلوش تسمم، لكنه أصر إن الأكل سليم.
