أعلن الإعلامي أنس بوخش احتراق سيارته، مشيرًا إلى أنها لم يكن بها أحد وذلك لحسن الحظ، موضحا أن العمال حرصوا على إطفائها بشكل سريع.
وكتب أنس بوخش عبر حسابه الرسمي على انستجرام: “ترددت إني أنزل هالبوست أو لا، بعدين قلت ليش لا، خليني أنزله، السوشال ميديا ما لازم يكون بس عن اللحظات الحلوة، بس عن اللحظات اللي ما حلوة بعد؛ هاي هي الحياة، الحريقة اللي صارت كانت شي غريب وعشوائي، كنا مخلصين التصوير، وإحنا نودّع الضيوف، سمعت حد يقول فيه سيارة تحترق، الغريب إني حسّيت إنها سيارتي قبل حتى ما أشوف، مشيت بهدوء أطالع، وفعلًا كانت سيارتي”.
وتابع: “هاللحظات تخلّي الواحد يفكّر كيف نحن محظوظين، لو ما صار خلل تقني بالتسجيل وخلانا نتأخر، كنا بنكون داخل السيارة، ولو تأخرنا دقايق زيادة، بعد كنا بنكون فيها، الحمد لله صار وقتها ومكانها وبهالطريقة، كان فيه عمّال يشتغلون، وعندهم طفايات حريق، واستعملنا أكثر من وحدة، لو صارت الحريقة وإحنا نسوق أو حتى لو صار عند البيت، الله يعلم شو كان بيصير.
واختتم أنس بوخش: الحمد لله نحن بخير وآمنين، شكرًا لكل شخص أرسل لي، وآسف إذا ما رديت على البعض.
