كشفت التحقيقات تفاصيل اتهام مروة يسري صاحبة حساب ابنة الرئيس حسني مبارك تفاصيل جديدة في واقعة اتهامها بسب وقذف الفنانة وفاء عامر وزعم قيامها بالإتجار في الأعضاء البشرية وتورطها في بيع أعضاء من إبراهيم شيكا لاعب الزمالك الراحل.
وباستجوابها عن توقيت وعدد حساباتها الشخصية صاحبة اسم ابنة الرئيس محمد حسني مبارك وكم.عدد الحسابات التي قمت بانشاءتها قالت:
أنا عملت حسابات كتير بالاسم ده ويفضلش غير واحد لسه عماله الأسبوع اللي فات تحديدا بين الجمعة اللي فات.
س- وهل أنتِ القائمة على إدارة تلك الحسابات المسماة ابنه الرئيس محمد حسني مبارك على موقع تيك توك؟
ج- أيوة أنا اللي بديرها.
س- ما الذي دعاك إلى الإصرار على إنشاء جميع تلك الحسابات على الرغم من استمرارية غلقها؟
ج- عملت كده عشان آخد حق أولادي وحقى علشان لما يلاقوني مساكة ذلة عليهم يخافوا.
س- وما علاقة أبنائك بذلك الأمر؟
ج- عشان هما كانوا زاقين ناس تعدوا على أولادي في المدرسة باعتهم.
س- ما هو عدد متابعين تلك الصفحة؟
ج / كانوا حوالي 20 ألف متابع.
س- هل تلك الصفحة متاح الاطلاع عليها من قبل العامة؟
ج- لأيوة
س- ما هو المحتوى محل المقاطع التي تنشريها بالصفحة سالفة البيان؟
ج- المحتوى اللي أنا بقدمه عبارة عن فيديوهات بعملها عشان أثبت حقي وخصوصا موضوع النسب وأجعلها رأي عام وعلشان أدافع عن نفسي من أي حد يحاول يفتي.
س- هل من عائد مادي يعود عليك من خلال إدارة تلك الصفحة ونشر المقاطع المصورة عليه؟
ج- بالنسبة لحسابات السابقة اللي باسم ابنة الرئيس محمد حسني مبارك وتحديدا الحسابات المصرية متحصلتش من خلالها على أي عائد مادي، والحساب الأمريكي اللي عملته الجمعة اللي قبل اللي فات بيجلي منه عائد مادي.
س- هل ذلك العائد المادي يرجع إلى ما تنشريه من محتوى على الصفحة سالفة البيان؟
ج اللي أعرفه إن العائد المادي بيجي على الفيديوهات اللي بتنتشر والبث المباشر على حسب أعداد المشاهدات بالنسبة للمتابعين.
