كشف الإعلامي أحمد موسى عن أصعب المواقف التي تعرض لها في حياته، وذكر ما تعرض له من ظلم وإيذاء هو وأسرته، مؤكدًا أن اللجوء إلى الله كان دائمًا مصدر قوته في مواجهة الأزمات والمعارك التي خاضها.
وقال أحمد موسى خلال استضافته في برنامج كلم ربنا: «أنا شفت ظلم كتير في حياتي، وتعرضت للإيذاء عليّ وعلى أسرتي من ناس كتير، ومن ناس معروفة بالاسم، لكن عُمر ربنا ما كسرني، ومفيش لحظة انكسار واحدة في حياتي».
وأضاف: «دخلت معارك كتير، وتآمر عليا الكثيرون، وفي أصعب اللحظات وأقساها كنت بجري على ربنا وأسجد سجدة واحدة أشتكيله فيها وأقوله ع اللي مزعلني، وفجأة ألاقي كل ده انتهى في سجدة واحدة».
وتابع أحمد موسى: «كل اللي بيظلمني وبيشتمني وبيتجاوز في حقي واللي بيفتري عليا ويخوض في عِرضي وشرفي باخد حقي منه، وبرجع أقوى وأقوى، أنا عمري ما طلبت من ربنا طلب وكسفني، كل المعارك اللي دخلتها انتصرت فيها».
