علقت الفنانة شيرين عبد الوهاب، على شائعات اعتزالها الفن التي انتشرت خلال الأيام الماضية، موضحة أنها لن تعتزل وتعمل على تحضير العديد من المفاجآت لجمهورها، بجانب حديثها عدد من الأزمات التي تمر بها خلال الفترة الحالية من المقربين منها إلا أنها تتصدى لهذه الأزمات.
شيرين عبد الوهاب تكشف مفاجآت
وقالت شيرين عبد الوهاب، في تسجيل صوتي: بحضر مفاجآت مختلفة وجديدة هتفرحوا بيها أوي، هغني ليكم بس من أماكن مختلفة، وهفضل أغني لحد ما أموت ومفيش اعتزال، الاعتزال هو الموت، وطول ما أنا عايشة بغني وبحبكم وواصلني حبكم، أنا عايشة بيه وعايشه ليه.
وواصلت شيرين عبد الوهاب: مش بستسلم أبدًا، في حاجات جامدة جدًا بتحصلي من أقرب الناس ليا تكسير وقتل بس أنا جامدة وربنا معايا ومقويني، وأنا بتاعتكم أنتوا وعايشة علشانكم أنتوا، واستنوا الحاجات الجديدة اللي نازلة وأنتوا الدنيا بالنسبة ليا.
شيرين عبد الوهاب تتصدر موقع إكس
وتصدر هاشتاج شيرين فين على موقع إكس، وذلك بعد حديث صديقها الفنان رامي صبري عنها في برنامج الحكاية مع الإعلامي عمرو أديب، قائلًا: شيرين صحبتي وأختي ودائما بسأل عليها وهي من أكتر صوت مصري موجود على كل الأبلكيشن الموسيقية مع أنها بقالها أكتر من 7 سنين منزلتش أغاني جديدة بعيدًا عن الألبوم اللي نزل من سنتين.
