نفت الفنانة نيللي كريم، ما تم تداوله خلال الساعات القليلة الماضية بشأن نقل والدتها إلى أحد المستشفيات عقب تعرضها لأزمة صحية مفاجئة، مؤكدة أن تلك الأنباء لا أساس لها من الصحة.
الحالة الصحية لوالدة نيللي كريم
وقالت نيللي كريم في تصريحات صحفية: والدتي بخير الحمد لله، وهي في البيت، ومفيش أي صحة لخبر إنها في المستشفى.
عرض فيلم نيللي كريم بمهرجان الجونة
وفي وقت سابق تحدثت نيللي كريم، عن فيلهما Happy Birthday، المقرر عرضه الليلة خلال فعاليات مهرجان الجونة السينمائي بدورته الثامنة، بجانب حديثها عن اختياراتها الفنية ومسلسلها المقبل في موسم رمضان 2026.
وقالت نيللي كريم، في لقائها مع قناة النهار، على هامش حضورها حفل افتتاح مهرجان الجونة السينمائي: فيلم مهرجان بالنسبة ليا قصة تهم أي حد، وناقشنا عمالة الأطفال بـ جرأة في فيلم هابي بيرث داي وهو فيلم رقيق جدًا، واختياراتي بقت جريئة وبقيت عايزة أعمل الحاجة اللي بحبها ونفسي أقدمها مش مضطرة، الورق مش سهل نلاقي كتابة حلوة، بختار أحسن اللي موجود أو بختار فكرة نفسي أقدمها.
واستكملت نيللي كريم: دلوقتي بقى فيه فنانين شباب ومخرجين، ودلوقتي أنا شايفة إن السينما في تقدم والدراما في تقدم وبقى فيه تنوع، وأنا متبسطتش بتجربة الـ 15 حلقة في رمضان حاسة إنهم قليلين على رمضان، لما عملت مسلسلات 30 حلقة كانت مواضيع مهمة والناس بتتفرج.
