حرص المخرج بيتر ميمي على توجيه الشكر للرئيس عبد الفتاح السيسي، على دعمه للقضية الفلسطينية، وإيمانه بـ الفن وقدرته على تقديم الرسائل للعالم، مؤكدا أن مسلسله صحاب الأرض نجح في أن يوثق معاناة أهل فلسطين بسبب حروبهم مع قوات الاحتلال الإسرائيلي.
مخرج صحاب الأرض: مكانش فيه ممثل بيفكر في نفسه.. ومفيش غير مصر تقدر تقدم مسلسل زيه
وكتب بيتر ميمي منشورا، عبر حسابه الشخصي بموقع التواصل الاجتماعي فيس بوك، قال فيه: لم ينته القصف.. لن تنتهي الحياة.. فخور إني كنت جزء من العمل ده اللي بيوثق، ليس الحرب والإبادة فقط، لكنه بيوثق الأمل والقوة والصمود، بشكر كل حد اسم اسم وعامل عامل، شكرا على الاحتمال وعصبيتي المستمرة على مدار التصوير، وشكرا على الاحتمال وعدم التذمر بالرغم من صعوبة العمل.
وتابع بيتر ميمي: شكرًا على إيمانكم اللي كان بيخلينا نكمل، شكرا إن كل فرد من أول البطلة والبطل وكل العناصر كانوا بيسندوا بعض، مفيش نجم ومش نجم، مفيش ممثل أو عنصر بيفكر في نفسه، لكن بيفكر في العمل والقضية وإنه يلمس الناس في الوطن العربي والعالم كله، شكرًا كل من أصيب أثناء العمل ده بسبب الركام أو كسر الزجاج أو غيره، لأن الناس الحقيقيين مش بس بيتخدشوا زينا دول ربنا يكون في عونهم ويحميهم ويديهم قوة من عنده، ويرجع حقهم ويديهم رجاء من عنده.
وأضاف بيتر ميمي: شكًرا لكل واحد بعتلي أثناء التصوير شد حيلك وكان داعم، شكرًا لأهلي اللي دعواتهم وسندهم كانت معايا، شكرا للقريبين مني اللي كانوا سند، شكرا للشركة المتحدة، شكرا من قلبي لبلدي مصر ورئيس مصر، ماهو مفيش غير مصر تقدر تعمل مسلسل زي ده، في النهاية شكرًا لأصحاب الأرض منكم نتعلم الصمود والاحتمال.
