رد مطرب المهرجانات مسلم على طليقته، التي ظهرت في فيديو وهي تشكو بسبب عدم إنفاقه على نجلهما، موضحة أنها حاولت الوصول إلى حل دون اللجوء إلى القضاء، ولكن جميع المحاولات باءت بالفشل إلى أن رفعت قضية نفقة لطفلها.
وقال مسلم في لايف عبر حسابه بـ إنستجرام: لازم الناس تستغرب من اللي بيحصل معايا.. أنا بتحارب، لو جبنا واحد مريض ومش عاقل هيعرف أن اللي بيحصل معايا ده مش طبيعي.. ماهو مش معقول الناس كلها ملائكة وأنا اللي شيطان.
وأردف: أنا مراعي شغلي ومركز فيه ومش مركز مع حد.. الناس اللي عاملة نفسها عائلتي دي ومني محدش له دعوة بيا.. كلكم أسوأ من بعض.. ولو طلعت اللي معايا محدش هيبص في وشها بس أنا عامل حساب لابني وهي كدا كدا كسفته باللي بتعمله.
وأضاف: أنا مش هرد غير بالقانون وهاخد كل الإجراءات القانونية ضدها وضد كل اللي شهروا بيا.. وأنا سايب اللي يكتب يكتب.. أعدلوا من نفسكم الأول وبعدين اتكلموا عن الناس.. أنا ميشغلنيش كلام حد.. وحسب الله ونعم الوكيل في كل بني آدم ظلمني.
