كشفت المخرجة إيناس الدغيدي عن كواليس إلغاء حفل زفافها على رجل الأعمال أحمد سوكارنو، بعد موجة من الانتقادات الواسعة التي طالتها عبر مواقع التواصل الاجتماعي فور إعلان عقد قرانها، موضحة أن ردود الفعل القاسية دفعتها إلى الاكتفاء بمراسم عائلية محدودة بعيدًا عن الأضواء.
إيناس الدغيدي تكشف كواليس إلغاء حفل زفافها
وقالت الدغيدي خلال لقائها ببرنامج «الصورة» مع الإعلامية لميس الحديدي على شاشة النهار: “فوجئت إن السوشيال ميديا كلها أخدت موقف فظيع من الفرح قبل ما يتعمل، وأنا ما خفتش فلغيت الفرح، لكن ما حبيتش أعمل حاجة تخلي ناس كتير مش عاوزاها تيجي”.
وأضافت أنها فضّلت الحفاظ على خصوصية المناسبة وعدم تحويلها إلى مادة للترويج على وسائل التواصل، مشيرة إلى أنها تخوّفت من الحضور غير المرغوب فيه لبعض صناع المحتوى، قائلة: “مش بتكلم عن الصحفيين لأنهم أصدقائي، لكن خفت من ناس منعرفهاش زي اليوتيوبرز والتيك توكرز ييجوا ويطلعونا بشكل مش حلو”.
وحول رأيها في الزواج في هذا العمر، قالت المخرجة: “مخفتش ومن أول يوم قلت له عارف عندي كام سنة؟ قالي عارف كل حاجة”.
كما وجهت رسالة لمن وصفتهم بـ«الحاسدين»، قائلة بنبرة حادة: “بقولهم بطلوا تاكلوا رز ومكرونة، وكل ست تصلح أي حاجة في وشها لو محتاجة، الناس فاكرة إني باخد حاجة، لكن أنا كنت بلعب سلة 6 سنين وكنت سباحة، ولما بتخن باخد بالي من نفسي، مفيش حاجة من غير مجهود”.
وتحدثت الدغيدي عن رد فعل ابنتها حبيبة على الزواج، قائلة: “اتخضت وقالت لي تعرفيه كويس؟ هتسافر وتسيبينا؟ لكن بعد ما شافته لقيته راجل محترم ومؤدب، ومع الوقت دعمتني وباركت الارتباط.”.
