تصاعدت الأزمة بين الفنان حلمي عبد الباقي والفنان مصطفى كامل بعد تداول مقطع صوتي منسوب للأخير تضمن إساءة لعبد الباقي، ما دفعه للخروج عن صمته وتوجيه رسالة مباشرة وحادة عبر تصريحات جديدة.
وقال حلمي عبد الباقي في مقطع فيديو نشره عبر حسابه الشخصي بموقع فيس بوك، إنه طوال سنوات خدمته في النقابة لم يقصر يومًا مع أي عضو، موضحًا: عايز أسأل الجمعية العمومية كلها، هل في يوم قصّرت مع حد؟ أيام النقيب السابق هاني شاكر كنت ماسك لجنة الخدمات، وأيام كورونا كنت بنزل أسلّم الجوابات للناس عند بيوتها، وعملت بروتوكولات مع المستشفيات لخدمة الأعضاء ومقصرتش مع حد أبدا.
وأضاف أن أي اعتراض على خدمته للأعضاء يعد من وجهة نظره محاولة لزعزعة النقابة، موضحًا: أي حد بيعترض على حاجة يبقى بيزايد وبيتآمر.. فيه ناس عايزة تهد النقابة.
وعلّق عبد الباقي على التسجيل الصوتي المسيء له، قائلًا: تفاجأت بتسجيل صوتي بتهان فيه وبتشتم بكلام جارح وصعب يتقال على حلمي عبد الباقي، لأني كنت واقف معاك في الانتخابات ولفّيت بيك مصر كلها، لكن ناس دخلت ودنك وقالولك إن حلمي بيخدم الناس عشان عايز يبقى نقيب، وإنت للأسف صدّقت.
وواصل متأثرًا: أنا راجل محترم وليا أسرة محترمة وزوجة وأولاد.. لما يسمعوا الكلام ده على أبوهم المحترم هيقولوا إيه، واختتم رسالته: أنا مش هسيب حقي.. لو سيبته أموت أحسن والأيام الجاية هي اللي هتبين.
