تحدث مطرب المهرجانات مسلم، عن اتجاهه للخروج عن قالب أغاني المهرجانات موضحًا أنها كانت سببًا في نجاحه وانتشاره في بدايته الفنية، ولكنه يعمل على تطوير موسيقاه واعدًا جمهوره بـ ألبوم غنائي مميز.
وقال مسلم، في تصريحات تلفزيونية: المهرجانات سلم النجاح بالنسبالي ومكنتش حابب إني أنا أعمل المهرجانات بس هي ساعدتني في فترة نجاحي الأولى ومكنش ده اللون بتاعي بس أنا حبيته لأن الناس حبت ده وبقيت أعمله بإتقان وأطور نفسي فيه والناس تقبلته مني وإن شاء الله في ألبوم جاي هيكسر الدنيا.
وأضاف: المهرجانات موجودة وبقت شئ مفروض وعمرها ما تتلغي لأن كل فترة مع الوقت بيظهر فئة جديدة من الموسيقى بتميز الناس اللي بيسمعوها عشان كده عمرها ما هتتلغي.
ومن ناحية أخرى، سبق وكشف مطرب المهرجانات مسلم كواليس من حياته الشخصية والمهنية، مشيرًا إلى تعرضه لحملة هجوم في الفترة الأخيرة عقب تصريحات طليقته الأخيرة التي اتهمته بعدم الإنفاق على نجله، وقال مسلم في لايف عبر إنستجرام، إن زوجته الحالية البلوجر يارا تامر، وقفت بجانبه في أصعب الظروف، وأنها اضطرت لبيع سيارتها من أجله: أنا الفنان الوحيد اللي معندوش شقة ملك.
وأوضح مسلم أنه يركز حاليا بشكل كامل على عمله، وأنه يرفض الانسياق وراء الانتقادات أو الدخول في صراعات، مستكملًا: الناس اللي عاملة نفسها عائلتي دي محدش له دعوة بيا.. كلكم أسوأ من بعض.
